Այսօրվանից ուժի մեջ է մտնում Ճապոնիայի մի շարք շրջաններում արտակարգ դրություն հայտարարելու մասին կառավարության որոշումը

08 ապրիլի, 2020

Հարգելի´ հայրենակիցներ,

Այսօրվանից ուժի մեջ է մտնում Տոկիոյում և Ճապոնիայի 6 այլ նահանգներում (Կանագավա, Սայտամա, Չիբա, Օսակա, Հյոգո և Ֆուկուոկա) մեկ ամսով (մինչև մայիսի 6-ը) արտակարգ դրություն հայտարարելու մասին Ճապոնիայի կառավարության որոշումը:

Նշված շրջանների ղեկավարությունը վիրուսի տարածման կանխարգելման նպատակով կոչ է անում քաղաքացիներին մնալ տանը և դուրս գալ միայն խիստ անհրաժեշտության դեպքում: Գործարարներին կոչ է արվում, հնարավորության դեպքում, անցնել օնլայն աշխատանքային ձևաչափի, որպեսզի քաղաքացիները կարողանան աշխատել տնից:

Կիրառվող սահմանափակումները հիմնականում կոչի կամ հորդորի բնույթ են կրում. քաղաքները չեն արգելափակվելու, քաղաքացիների ազատ տեղաշարժը չի սահմանափակվելու: Մթերքների և դեղորայքի խանութները բաց կլինեն, դրանց առաքման ծառայությունները ևս կգործեն: Հիվանդանոցները նույնպես բաց կլինեն, սակայն, հաշվի առնելով բժշկական հաստատությունների խիստ ծանրաբեռնված լինելու հանգամանքը, «COVID-19» ախտորոշված, սակայն թույլ ախտանիշներ ունեցող քաղաքացիները կտեղափոխվեն կառավարության կողմից առանձնացված հյուրանոցներ: Հասարակական տրանսպորտը ևս կաշխատի:

Խնդրում ենք հետևել Ճապոնիայի կառավարության հորդորներին:

Առողջ եղեք:

Հարգանքով՝

Ճապոնիայում ՀՀ դեսպանություն

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր